ការចុះសិក្សា និងវាយតម្លៃទីតាំងសាលាបឋមសិក្សា ដែលត្រូវបំពាក់ផ្លាកសញ្ញា និងគូសគំនូសសញ្ញាសម្រាប់ថ្មើរជើងលើកំណាត់ផ្លូវជាតិលេខ១
 

នៅថ្ងៃពុធ ៥រោច ខែភទ្របទ ឆ្នាំកុរ ឯកស័ក ព.ស ២៥៦៣ ត្រូវនឹងថ្ងៃទី១៨ ខែកញ្ញា ឆ្នាំ២០១៩ ក្រុមការងារនាយកដ្ឋានសុវត្ថិភាពចរាចរណ៍ផ្លូវគោក នៃអគ្គនាយកដ្ឋានដឹកជញ្ជូនផ្លូវគោកក្រសួងសាធារណការ និងដឹកជញ្ជូន បានចុះធ្វើការសិក្សា និងវាយតម្លៃអំពីសុវត្ថិភាពសម្រាប់ថ្មើរជើងនៅទីតាំងតំបន់សាលាបឋមសិក្សាចំនួន១៨ទីតាំង តាមបណ្តោយផ្លូវជាតិលេខ១ ដើម្បីជាមូលដ្ឋានក្នុងការកំណត់ចំនួនទីតាំងជាក់លាក់ដែលចាំបាច់ត្រូវការបំពាក់ផ្លាកសញ្ញា និងគូសគំនូសសញ្ញាសម្រាប់ថ្មើរជើងឆ្លងកាត់ដោយសារទីតាំងមួយចំនួននៅខ្វះផ្លាកសញ្ញា ហើយគំនូសសញ្ញាសម្រាប់ថ្មើរជើងក៏ត្រូវបានរលុបអស់ផងដែរ។ ការចុះសិក្សានេះ នឹងរួមចំណែកជួយលើកកម្ពស់សុវត្ថិភាពសម្រាប់ថ្មើរជើងនៅតំបន់សាលារៀនឱ្យមានភាពប្រសើរឡើងបន្ថែមទៀត បន្ទាប់ពីផ្លាកសញ្ញាត្រូវបានបំពាក់បន្ថែម និងគំនូសត្រូវបានគូសរួចរាល់។